भक्तामर स्तोत्रભક્તામર સ્તોત્ર

Bhaktamar Stotra Lyrics

भक्तामर स्तोत्रભક્તામર સ્તોત્ર Jain Stotra, by Acharya Manatunga

Show text in
  1. भक्तामर-प्रणत-मौलिमणि-प्रभाणा- मुद्योतकं दलित-पाप-तमोवितानम् । सम्यक् प्रणम्य जिन-पाद-युगं युगादा- वालम्बनं भवजले पततां जनानाम् ॥

    ભક્તામર-પ્રણત-મૌલિમણિ-પ્રભાણા- મુદ્યોતકં દલિત-પાપ-તમોવિતાનમ્ । સમ્યક્ પ્રણમ્ય જિન-પાદ-યુગં યુગાદા- વાલમ્બનં ભવજલે પતતાં જનાનામ્ ॥

    Bhaktamara-Pranata-Maulimani-Prabhanam- Udyotakam Dalita-Papa-Tamovitanam. Samyak Pranamya Jina-Pada-Yugam Yugada- Valambanam Bhavajale Patatam Jananam.

    The crowns of the bowing gods hold jewels, and he makes their light brighter still; he tears open the spread of darkness that is sin. Bowing fully to the pair of feet of the Jin, which at the beginning of the age were the one hold for people falling in the water of worldly existence.

  2. यः संस्तुतः सकल-वाङ्मय-तत्त्व-बोधा- दुद्भूत-बुद्धि-पटुभिः सुरलोकनाथैः । स्तोत्रैर्जगत्-त्रितय-चित्त-हरैरुदारैः स्तोष्ये किलाहमपि तं प्रथमं जिनेन्द्रम् ॥

    યઃ સંસ્તુતઃ સકલ-વાઙ્મય-તત્ત્વ-બોધા- દુદ્ભૂત-બુદ્ધિ-પટુભિઃ સુરલોકનાથૈઃ । સ્તોત્રૈર્જગત્-ત્રિતય-ચિત્ત-હરૈરુદારૈઃ સ્તોષ્યે કિલાહમપિ તં પ્રથમં જિનેન્દ્રમ્ ॥

    Yah Sanstutah Sakala-Vangmaya-Tattva-Bodhad- Udbhuta-Buddhi-Patubhih Suralokanathaih. Stotrairjagat-Tritaya-Chitta-Harairudaraih Stoshye Kilahamapi Tam Prathamam Jinendram.

    He who has been praised by the lords of the world of the gods, whose sharp minds arose from knowing the truth of all that speech can hold, with great hymns that steal the heart of all three worlds: that first Jinendra I too shall now praise.

  3. बुद्ध्या विनापि विबुधार्चित-पादपीठ ! स्तोतुं समुद्यत-मतिर्विगत-त्रपोऽहम् । बालं विहाय जल-संस्थितमिन्दु-बिम्ब- मन्यः क इच्छति जनः सहसा ग्रहीतुम् ॥

    બુદ્ધ્યા વિનાપિ વિબુધાર્ચિત-પાદપીઠ ! સ્તોતું સમુદ્યત-મતિર્વિગત-ત્રપોઽહમ્ । બાલં વિહાય જલ-સંસ્થિતમિન્દુ-બિમ્બ- મન્યઃ ક ઇચ્છતિ જનઃ સહસા ગ્રહીતુમ્ ॥

    Buddhya Vinapi Vibudharchita-Padapitha, Stotum Samudyata-Matirvigata-Trapo'ham. Balam Vihaya Jala-Sansthitamindu-Bimbam- Anyah Ka Ichchhati Janah Sahasa Grahitum.

    O you whose footstool the gods worship, I have no wisdom, yet my mind has set out to praise you and I have lost my shame. Apart from a child, what other person would want to reach out and catch, all at once, the reflection of the moon standing in water?

  4. वक्तुं गुणान् गुणसमुद्र ! शशाङ्क-कान्तान् कस्ते क्षमः सुरगुरुप्रतिमोऽपि बुद्ध्या । कल्पान्त-काल-पवनोद्धत-नक्र-चक्रं को वा तरीतुमलमम्बुनिधिं भुजाभ्याम् ॥

    વક્તું ગુણાન્ ગુણસમુદ્ર ! શશાઙ્ક-કાન્તાન્ કસ્તે ક્ષમઃ સુરગુરુપ્રતિમોઽપિ બુદ્ધ્યા । કલ્પાન્ત-કાલ-પવનોદ્ધત-નક્ર-ચક્રં કો વા તરીતુમલમમ્બુનિધિં ભુજાભ્યામ્ ॥

    Vaktum Gunan Gunasamudra, Shashanka-Kantan Kaste Kshamah Suragurupratimo'pi Buddhya. Kalpanta-Kala-Pavanoddhata-Nakra-Chakram Ko Va Taritumalamambunidhim Bhujabhyam.

    Ocean of qualities, your qualities are lovely as the moon. Who is able to speak them, even one who is the equal of the teacher of the gods in understanding? When the wind at the end of the age has stirred up its circling crocodiles, who is strong enough to cross the sea with his two arms?

  5. सोऽहं तथापि तव भक्ति-वशान्मुनीश ! कर्तुं स्तवं विगत-शक्तिरपि प्रवृत्तः । प्रीत्यात्म-वीर्यमविचार्य मृगो मृगेन्द्रं नाभ्येति किं निज-शिशोः परिपालनार्थम् ॥

    સોઽહં તથાપિ તવ ભક્તિ-વશાન્મુનીશ ! કર્તું સ્તવં વિગત-શક્તિરપિ પ્રવૃત્તઃ । પ્રીત્યાત્મ-વીર્યમવિચાર્ય મૃગો મૃગેન્દ્રં નાભ્યેતિ કિં નિજ-શિશોઃ પરિપાલનાર્થમ્ ॥

    So'ham Tathapi Tava Bhakti-Vashanmunisha, Kartum Stavam Vigata-Shaktirapi Pravrittah. Prityatma-Viryamavicharya Mrigo Mrigendram Nabhyeti Kim Nija-Shishoh Paripalanartham.

    Even so, lord of munis, held by devotion to you, I have set out to make this praise, though the strength for it is not mine. Out of love, not weighing her own power, does a doe not go straight up to the lion to protect her own young?

  6. अल्पश्रुतं श्रुतवतां परिहास-धाम त्वद्-भक्तिरेव मुखरीकुरुते बलान्माम् । यत्कोकिलः किल मधौ मधुरं विरौति तच्चारु-चूत-कलिका-निकरैक-हेतुः ॥

    અલ્પશ્રુતં શ્રુતવતાં પરિહાસ-ધામ ત્વદ્-ભક્તિરેવ મુખરીકુરુતે બલાન્મામ્ । યત્કોકિલઃ કિલ મધૌ મધુરં વિરૌતિ તચ્ચારુ-ચૂત-કલિકા-નિકરૈક-હેતુઃ ॥

    Alpashrutam Shrutavatam Parihasa-Dhama Tvad-Bhaktireva Mukharikurute Balanmam. Yatkokilah Kila Madhau Madhuram Virauti Tachcharu-Chuta-Kalika-Nikaraika-Hetuh.

    I have heard little, and I am a thing for the learned to laugh at; yet devotion to you alone makes me speak, and makes me speak by force. That the cuckoo calls so sweetly in the spring has one cause only: the crowd of lovely mango buds.

  7. त्वत्संस्तवेन भव-सन्तति-सन्निबद्धं पापं क्षणात्क्षयमुपैति शरीरभाजाम् । आक्रान्त-लोकमलि-नीलमशेषमाशु सूर्यांशु-भिन्नमिव शार्वरमन्धकारम् ॥

    ત્વત્સંસ્તવેન ભવ-સન્તતિ-સન્નિબદ્ધં પાપં ક્ષણાત્ક્ષયમુપૈતિ શરીરભાજામ્ । આક્રાન્ત-લોકમલિ-નીલમશેષમાશુ સૂર્યાંશુ-ભિન્નમિવ શાર્વરમન્ધકારમ્ ॥

    Tvatsanstavena Bhava-Santati-Sannibaddham Papam Kshanatkshayamupaiti Sharirabhajam. Akranta-Lokamali-Nilamashesham Ashu Suryanshu-Bhinnamiva Sharvaramandhakaram.

    By praising you, the sin that embodied beings have bound to themselves through a long line of births wears away in a moment, as the darkness of night, which had seized the world and was black as a bee, is broken all at once and wholly by the rays of the sun.

  8. मत्वेति नाथ ! तव संस्तवनं मयेद- मारभ्यते तनुधियापि तव प्रभावात् । चेतो हरिष्यति सतां नलिनीदलेषु मुक्ताफल-द्युतिमुपैति ननूदबिन्दुः ॥

    મત્વેતિ નાથ ! તવ સંસ્તવનં મયેદ- મારભ્યતે તનુધિયાપિ તવ પ્રભાવાત્ । ચેતો હરિષ્યતિ સતાં નલિનીદલેષુ મુક્તાફલ-દ્યુતિમુપૈતિ નનૂદબિન્દુઃ ॥

    Matveti Natha, Tava Sanstavanam Mayedam- Arabhyate Tanudhiyapi Tava Prabhavat. Cheto Harishyati Satam Nalinidaleshu Muktaphala-Dyutimupaiti Nanudabinduh.

    Holding this in mind, O Lord, I begin this praise of you, slender as my understanding is, and I begin it by your power. It will steal the hearts of the good, for on the petals of a lotus a drop of water surely takes on the shine of a pearl.

  9. आस्तां तव स्तवनमस्त-समस्त-दोषं त्वत्सङ्कथाऽपि जगतां दुरितानि हन्ति । दूरे सहस्रकिरणः कुरुते प्रभैव पद्माकरेषु जलजानि विकासभाञ्जि ॥

    આસ્તાં તવ સ્તવનમસ્ત-સમસ્ત-દોષં ત્વત્સઙ્કથાઽપિ જગતાં દુરિતાનિ હન્તિ । દૂરે સહસ્રકિરણઃ કુરુતે પ્રભૈવ પદ્માકરેષુ જલજાનિ વિકાસભાઞ્જિ ॥

    Astam Tava Stavanamasta-Samasta-Dosham Tvatsankatha'pi Jagatam Duritani Hanti. Dure Sahasrakiranah Kurute Prabhaiva Padmakareshu Jalajani Vikasabhanji.

    Let praise of you, which puts down every fault, stand aside: even speaking of you destroys the evils of the worlds. The thousand-rayed sun stays far off, and its light alone makes the lotuses in the pools open.

  10. नात्यद्भुतं भुवन-भूषण ! भूतनाथ ! भूतैर्गुणैर्भुवि भवन्तमभिष्टुवन्तः । तुल्या भवन्ति भवतो ननु तेन किं वा भूत्याश्रितं य इह नात्मसमं करोति ॥

    નાત્યદ્ભુતં ભુવન-ભૂષણ ! ભૂતનાથ ! ભૂતૈર્ગુણૈર્ભુવિ ભવન્તમભિષ્ટુવન્તઃ । તુલ્યા ભવન્તિ ભવતો નનુ તેન કિં વા ભૂત્યાશ્રિતં ય ઇહ નાત્મસમં કરોતિ ॥

    Natyadbhutam Bhuvana-Bhushana, Bhutanatha, Bhutairgunairbhuvi Bhavantamabhishtuvantah. Tulya Bhavanti Bhavato Nanu Tena Kim Va Bhutyashritam Ya Iha Natmasamam Karoti.

    It is no great wonder, ornament of the worlds, lord of beings, that those who praise you on earth with the qualities that are truly yours become your equals. What good, after all, is a master who does not raise the servant who depends on him to his own level?

  11. दृष्ट्वा भवन्तमनिमेष-विलोकनीयं नान्यत्र तोषमुपयाति जनस्य चक्षुः । पीत्वा पयः शशिकर-द्युति-दुग्ध-सिन्धोः क्षारं जलं जलनिधेरसितुं क इच्छेत् ॥

    દૃષ્ટ્વા ભવન્તમનિમેષ-વિલોકનીયં નાન્યત્ર તોષમુપયાતિ જનસ્ય ચક્ષુઃ । પીત્વા પયઃ શશિકર-દ્યુતિ-દુગ્ધ-સિન્ધોઃ ક્ષારં જલં જલનિધેરસિતું ક ઇચ્છેત્ ॥

    Drishtva Bhavantamanimesha-Vilokaniyam Nanyatra Toshamupayati Janasya Chakshuh. Pitva Payah Shashikara-Dyuti-Dugdha-Sindhoh Ksharam Jalam Jalanidherasitum Ka Ichchhet.

    Once it has seen you, who are to be gazed at without a blink, a person's eye finds contentment nowhere else. Having drunk the water of the ocean of milk, bright as moonlight, who would wish to taste the salt water of the sea?

  12. यैः शान्तरागरुचिभिः परमाणुभिस्त्वं निर्मापितस्त्रिभुवनैक-ललाम-भूत ! । तावन्त एव खलु तेऽप्यणवः पृथिव्यां यत्ते समानमपरं न हि रूपमस्ति ॥

    યૈઃ શાન્તરાગરુચિભિઃ પરમાણુભિસ્ત્વં નિર્માપિતસ્ત્રિભુવનૈક-લલામ-ભૂત ! । તાવન્ત એવ ખલુ તેઽપ્યણવઃ પૃથિવ્યાં યત્તે સમાનમપરં ન હિ રૂપમસ્તિ ॥

    Yaih Shantaragaruchibhih Paramanubhistvam Nirmapitastribhuvanaika-Lalama-Bhuta. Tavanta Eva Khalu Te'pyanavah Prithivyam Yatte Samanamaparam Na Hi Rupamasti.

    You were made of atoms whose light is desire grown calm, you who are the single ornament of the three worlds; and those atoms on earth were just so many and no more, for there is no other form anywhere equal to yours.

  13. वक्त्रं क्व ते सुर-नरोरग-नेत्रहारि निःशेष-निर्जित-जगत्-त्रितयोपमानम् । बिम्बं कलङ्क-मलिनं क्व निशाकरस्य यद्वासरे भवति पाण्डुपलाश-कल्पम् ॥

    વક્ત્રં ક્વ તે સુર-નરોરગ-નેત્રહારિ નિઃશેષ-નિર્જિત-જગત્-ત્રિતયોપમાનમ્ । બિમ્બં કલઙ્ક-મલિનં ક્વ નિશાકરસ્ય યદ્વાસરે ભવતિ પાણ્ડુપલાશ-કલ્પમ્ ॥

    Vaktram Kva Te Sura-Naroraga-Netrahari Nihshesha-Nirjita-Jagat-Tritayopamanam. Bimbam Kalanka-Malinam Kva Nishakarasya Yadvasare Bhavati Pandupalasha-Kalpam.

    Where is your face, which holds the eyes of gods, humans and nagas and has defeated every likeness the three worlds can offer, and where the disc of the moon, dulled by its stain, which by day becomes pale as a withered leaf?

  14. सम्पूर्ण-मण्डल-शशाङ्क-कला-कलाप- शुभ्रा गुणास्त्रिभुवनं तव लङ्घयन्ति । ये संश्रितास्त्रिजगदीश्वर ! नाथमेकं कस्तान्निवारयति सञ्चरतो यथेष्टम् ॥

    સમ્પૂર્ણ-મણ્ડલ-શશાઙ્ક-કલા-કલાપ- શુભ્રા ગુણાસ્ત્રિભુવનં તવ લઙ્ઘયન્તિ । યે સંશ્રિતાસ્ત્રિજગદીશ્વર ! નાથમેકં કસ્તાન્નિવારયતિ સઞ્ચરતો યથેષ્ટમ્ ॥

    Sampurna-Mandala-Shashanka-Kala-Kalapa- Shubhra Gunastribhuvanam Tava Langhayanti. Ye Sanshritastrijagadishvara, Nathamekam Kastannivarayati Sancharato Yatheshtam.

    White as the full round moon with all its phases together, your qualities pass beyond the three worlds. Lord of the three worlds, they have taken refuge in one master alone, so who is to stop them going wherever they please?

  15. चित्रं किमत्र यदि ते त्रिदशाङ्गनाभि- र्नीतं मनागपि मनो न विकार-मार्गम् । कल्पान्तकाल-मरुता चलिताचलेन किं मन्दराद्रिशिखरं चलितं कदाचित् ॥

    ચિત્રં કિમત્ર યદિ તે ત્રિદશાઙ્ગનાભિ- ર્નીતં મનાગપિ મનો ન વિકાર-માર્ગમ્ । કલ્પાન્તકાલ-મરુતા ચલિતાચલેન કિં મન્દરાદ્રિશિખરં ચલિતં કદાચિત્ ॥

    Chitram Kimatra Yadi Te Tridashanganabhir- Nitam Managapi Mano Na Vikara-Margam. Kalpantakala-Maruta Chalitachalena Kim Mandaradrishikharam Chalitam Kadachit.

    What wonder is there here, if the women of the gods could not lead your mind even a little onto the path of disturbance? The wind at the end of the age shakes the mountains: has it ever shaken the peak of Mount Mandar?

  16. निर्धूम-वर्तिरपवर्जित-तैलपूरः कृत्स्नं जगत्त्रयमिदं प्रकटीकरोषि । गम्यो न जातु मरुतां चलिताचलानां दीपोऽपरस्त्वमसि नाथ ! जगत्प्रकाशः ॥

    નિર્ધૂમ-વર્તિરપવર્જિત-તૈલપૂરઃ કૃત્સ્નં જગત્ત્રયમિદં પ્રકટીકરોષિ । ગમ્યો ન જાતુ મરુતાં ચલિતાચલાનાં દીપોઽપરસ્ત્વમસિ નાથ ! જગત્પ્રકાશઃ ॥

    Nirdhuma-Vartirapavarjita-Tailapurah Kritsnam Jagattrayamidam Prakatikaroshi. Gamyo Na Jatu Marutam Chalitachalanam Dipo'parastvamasi Natha, Jagatprakashah.

    With no smoke, no wick and no flow of oil to feed you, you make all these three worlds plain to see. The winds that shake the mountains can never reach you. You are a lamp unlike any other, O Lord, the light of the world.

  17. नास्तं कदाचिदुपयासि न राहुगम्यः स्पष्टीकरोषि सहसा युगपज्जगन्ति । नाम्भोधरोदर-निरुद्ध-महाप्रभावः सूर्यातिशायि-महिमासि मुनीन्द्र ! लोके ॥

    નાસ્તં કદાચિદુપયાસિ ન રાહુગમ્યઃ સ્પષ્ટીકરોષિ સહસા યુગપજ્જગન્તિ । નામ્ભોધરોદર-નિરુદ્ધ-મહાપ્રભાવઃ સૂર્યાતિશાયિ-મહિમાસિ મુનીન્દ્ર ! લોકે ॥

    Nastam Kadachidupayasi Na Rahugamyah Spashtikaroshi Sahasa Yugapajjaganti. Nambhodharodara-Niruddha-Mahaprabhavah Suryatishayi-Mahimasi Munindra, Loke.

    You never set, and Rahu cannot reach you. All at once, and together, you make the worlds clear. The belly of a cloud cannot shut in your great power. Lord of munis, in this world your greatness goes past the sun's.

  18. नित्योदयं दलितमोह-महान्धकारं गम्यं न राहुवदनस्य न वारिदानाम् । विभ्राजते तव मुखाब्जमनल्पकान्ति विद्योतयज्जगदपूर्व-शशाङ्क-बिम्बम् ॥

    નિત્યોદયં દલિતમોહ-મહાન્ધકારં ગમ્યં ન રાહુવદનસ્ય ન વારિદાનામ્ । વિભ્રાજતે તવ મુખાબ્જમનલ્પકાન્તિ વિદ્યોતયજ્જગદપૂર્વ-શશાઙ્ક-બિમ્બમ્ ॥

    Nityodayam Dalitamoha-Mahandhakaram Gamyam Na Rahuvadanasya Na Varidanam. Vibhrajate Tava Mukhabjamanalpakanti Vidyotayajjagadapurva-Shashanka-Bimbam.

    Always risen, it has torn open the great darkness of delusion; the mouth of Rahu cannot reach it, nor can the clouds. The lotus of your face shines with no small light, a moon unlike any other, lighting up the world.

  19. किं शर्वरीषु शशिनाऽह्नि विवस्वता वा युष्मन्मुखेन्दु-दलितेषु तमस्सु नाथ ! । निष्पन्न-शालि-वन-शालिनि जीवलोके कार्यं कियज्जलधरैर्जल-भार-नम्रैः ॥

    કિં શર્વરીષુ શશિનાઽહ્નિ વિવસ્વતા વા યુષ્મન્મુખેન્દુ-દલિતેષુ તમસ્સુ નાથ ! । નિષ્પન્ન-શાલિ-વન-શાલિનિ જીવલોકે કાર્યં કિયજ્જલધરૈર્જલ-ભાર-નમ્રૈઃ ॥

    Kim Sharvarishu Shashina'hni Vivasvata Va Yushmanmukhendu-Daliteshu Tamassu Natha. Nishpanna-Shali-Vana-Shalini Jivaloke Karyam Kiyajjaladharairjala-Bhara-Namraih.

    What need is there of the moon at night, or of the sun by day, O Lord, when the moon of your face has already torn the darkness apart? When the world of the living is bright with fields of ripened rice, how much work is left for clouds bent low with their load of water?

  20. ज्ञानं यथा त्वयि विभाति कृतावकाशं नैवं तथा हरिहरादिषु नायकेषु । तेजः स्फुरन्मणिषु याति यथा महत्त्वं नैवं तु काच-शकले किरणाकुलेऽपि ॥

    જ્ઞાનં યથા ત્વયિ વિભાતિ કૃતાવકાશં નૈવં તથા હરિહરાદિષુ નાયકેષુ । તેજઃ સ્ફુરન્મણિષુ યાતિ યથા મહત્ત્વં નૈવં તુ કાચ-શકલે કિરણાકુલેઽપિ ॥

    Gyanam Yatha Tvayi Vibhati Kritavakasham Naivam Tatha Hariharadishu Nayakeshu. Tejah Sphuranmanishu Yati Yatha Mahattvam Naivam Tu Kacha-Shakale Kiranakule'pi.

    Knowledge shines in you as in a room made ready for it, and not so in Hari, Har and the other leaders. Light reaches its full greatness in flashing gems, and not so in a shard of glass, however full of rays.

  21. मन्ये वरं हरिहरादय एव दृष्टा दृष्टेषु येषु हृदयं त्वयि तोषमेति । किं वीक्षितेन भवता भुवि येन नान्यः कश्चिन्मनो हरति नाथ ! भवान्तरेऽपि ॥

    મન્યે વરં હરિહરાદય એવ દૃષ્ટા દૃષ્ટેષુ યેષુ હૃદયં ત્વયિ તોષમેતિ । કિં વીક્ષિતેન ભવતા ભુવિ યેન નાન્યઃ કશ્ચિન્મનો હરતિ નાથ ! ભવાન્તરેઽપિ ॥

    Manye Varam Hariharadaya Eva Drishta Drishteshu Yeshu Hridayam Tvayi Toshameti. Kim Vikshitena Bhavata Bhuvi Yena Nanyah Kashchinmano Harati Natha, Bhavantare'pi.

    I think it was as well that Hari, Har and the rest were seen first, for having seen them, the heart finds its rest in you. And what of having seen you? That on this earth no one else can take my heart, O Lord, in this birth or in any other.

  22. स्त्रीणां शतानि शतशो जनयन्ति पुत्रान् नान्या सुतं त्वदुपमं जननी प्रसूता । सर्वा दिशो दधति भानि सहस्ररश्मिं प्राच्येव दिग्जनयति स्फुरदंशुजालम् ॥

    સ્ત્રીણાં શતાનિ શતશો જનયન્તિ પુત્રાન્ નાન્યા સુતં ત્વદુપમં જનની પ્રસૂતા । સર્વા દિશો દધતિ ભાનિ સહસ્રરશ્મિં પ્રાચ્યેવ દિગ્જનયતિ સ્ફુરદંશુજાલમ્ ॥

    Strinam Shatani Shatasho Janayanti Putran Nanya Sutam Tvadupamam Janani Prasuta. Sarva Disho Dadhati Bhani Sahasrarashmim Prachyeva Digjanayati Sphuradanshujalam.

    Hundreds upon hundreds of women give birth to sons, but no other mother has borne a son like you. Every quarter of the sky holds its stars; the thousand-rayed sun, with its net of flashing light, the east alone brings forth.

  23. त्वामामनन्ति मुनयः परमं पुमांस- मादित्य-वर्णममलं तमसः परस्तात् । त्वामेव सम्यगुपलभ्य जयन्ति मृत्युं नान्यः शिवः शिवपदस्य मुनीन्द्र ! पन्थाः ॥

    ત્વામામનન્તિ મુનયઃ પરમં પુમાંસ- માદિત્ય-વર્ણમમલં તમસઃ પરસ્તાત્ । ત્વામેવ સમ્યગુપલભ્ય જયન્તિ મૃત્યું નાન્યઃ શિવઃ શિવપદસ્ય મુનીન્દ્ર ! પન્થાઃ ॥

    Tvamamananti Munayah Paramam Pumansam- Aditya-Varnamamalam Tamasah Parastat. Tvameva Samyagupalabhya Jayanti Mrityum Nanyah Shivah Shivapadasya Munindra, Panthah.

    The munis hold you to be the highest being, the colour of the sun, spotless, beyond all darkness. Knowing you rightly, and you alone, they conquer death. Lord of munis, there is no other good road to the place of liberation.

  24. त्वामव्ययं विभुमचिन्त्यमसंख्यमाद्यं ब्रह्माणमीश्वरमनन्तमनङ्गकेतुम् । योगीश्वरं विदितयोगमनेकमेकं ज्ञानस्वरूपममलं प्रवदन्ति सन्तः ॥

    ત્વામવ્યયં વિભુમચિન્ત્યમસંખ્યમાદ્યં બ્રહ્માણમીશ્વરમનન્તમનઙ્ગકેતુમ્ । યોગીશ્વરં વિદિતયોગમનેકમેકં જ્ઞાનસ્વરૂપમમલં પ્રવદન્તિ સન્તઃ ॥

    Tvamavyayam Vibhumachintyamasankhyamadyam Brahmanamishvaramanantamanangaketum. Yogishvaram Viditayogamanekamekam Gyanasvarupamamalam Pravadanti Santah.

    The good call you unchanging, all-pervading, past thought, past counting, the first; Brahma, Ishvar, endless, the one whose mark undid the god of desire; lord of yogis, knower of yoga, many and yet one; knowledge itself in form, and without a stain.

  25. बुद्धस्त्वमेव विबुधार्चित-बुद्धि-बोधात् त्वं शङ्करोऽसि भुवनत्रय-शङ्करत्वात् । धाताऽसि धीर ! शिवमार्ग-विधेर्विधानात् व्यक्तं त्वमेव भगवन् ! पुरुषोत्तमोऽसि ॥

    બુદ્ધસ્ત્વમેવ વિબુધાર્ચિત-બુદ્ધિ-બોધાત્ ત્વં શઙ્કરોઽસિ ભુવનત્રય-શઙ્કરત્વાત્ । ધાતાઽસિ ધીર ! શિવમાર્ગ-વિધેર્વિધાનાત્ વ્યક્તં ત્વમેવ ભગવન્ ! પુરુષોત્તમોઽસિ ॥

    Buddhastvameva Vibudharchita-Buddhi-Bodhat Tvam Shankaro'si Bhuvanatraya-Shankaratvat. Dhata'si Dhira, Shivamarga-Vidhervidhanat Vyaktam Tvameva Bhagavan, Purushottamo'si.

    You alone are the Buddha, for the wise honour the awakening of your understanding. You are Shankar, for you bring peace to the three worlds. You are the maker, steadfast one, for you set out the rule of the path to liberation. Plainly, Bhagwan, you alone are Purushottam, the highest of beings.

  26. तुभ्यं नमस्त्रिभुवनार्तिहराय नाथ ! तुभ्यं नमः क्षितितलामल-भूषणाय । तुभ्यं नमस्त्रिजगतः परमेश्वराय तुभ्यं नमो जिन ! भवोदधि-शोषणाय ॥

    તુભ્યં નમસ્ત્રિભુવનાર્તિહરાય નાથ ! તુભ્યં નમઃ ક્ષિતિતલામલ-ભૂષણાય । તુભ્યં નમસ્ત્રિજગતઃ પરમેશ્વરાય તુભ્યં નમો જિન ! ભવોદધિ-શોષણાય ॥

    Tubhyam Namastribhuvanartiharaya Natha, Tubhyam Namah Kshititalamala-Bhushanaya. Tubhyam Namastrijagatah Parameshvaraya Tubhyam Namo Jina, Bhavodadhi-Shoshanaya.

    Homage to you, O Lord, who take away the pain of the three worlds. Homage to you, the spotless ornament of the face of the earth. Homage to you, the supreme lord of the three worlds. Homage to you, O Jin, who dry up the ocean of rebirth.

  27. को विस्मयोऽत्र यदि नाम गुणैरशेषै- स्त्वं संश्रितो निरवकाशतया मुनीश ! । दोषैरुपात्त-विविधाश्रय-जातगर्वैः स्वप्नान्तरेऽपि न कदाचिदपीक्षितोऽसि ॥

    કો વિસ્મયોઽત્ર યદિ નામ ગુણૈરશેષૈ- સ્ત્વં સંશ્રિતો નિરવકાશતયા મુનીશ ! । દોષૈરુપાત્ત-વિવિધાશ્રય-જાતગર્વૈઃ સ્વપ્નાન્તરેઽપિ ન કદાચિદપીક્ષિતોઽસિ ॥

    Ko Vismayo'tra Yadi Nama Gunairasheshais- Tvam Sanshrito Niravakashataya Munisha. Doshairupatta-Vividhashraya-Jatagarvaih Svapnantare'pi Na Kadachidapikshito'si.

    What wonder is there in it, lord of munis, if every quality without exception has taken refuge in you, leaving no room for anything else? The faults, swollen with pride at the many shelters they have found, have never so much as looked at you, not even in a dream.

  28. उच्चैरशोक-तरु-संश्रितमुन्मयूख- माभाति रूपममलं भवतो नितान्तम् । स्पष्टोल्लसत्-किरणमस्त-तमोवितानं बिम्बं रवेरिव पयोधर-पार्श्ववर्ति ॥

    ઉચ્ચૈરશોક-તરુ-સંશ્રિતમુન્મયૂખ- માભાતિ રૂપમમલં ભવતો નિતાન્તમ્ । સ્પષ્ટોલ્લસત્-કિરણમસ્ત-તમોવિતાનં બિમ્બં રવેરિવ પયોધર-પાર્શ્વવર્તિ ॥

    Uchchairashoka-Taru-Sanshritamunmayukham- Abhati Rupamamalam Bhavato Nitantam. Spashtollasat-Kiranamasta-Tamovitanam Bimbam Raveriva Payodhara-Parshvavarti.

    Resting under the tall ashok tree, sending its light upward, your spotless form shines without end, its rays clearly leaping out, every spread of darkness put down, like the disc of the sun standing beside a rain cloud.

  29. सिंहासने मणि-मयूख-शिखा-विचित्रे विभ्राजते तव वपुः कनकावदातम् । बिम्बं वियद्विलसदंशुलता-वितानं तुङ्गोदयाद्रि-शिरसीव सहस्ररश्मेः ॥

    સિંહાસને મણિ-મયૂખ-શિખા-વિચિત્રે વિભ્રાજતે તવ વપુઃ કનકાવદાતમ્ । બિમ્બં વિયદ્વિલસદંશુલતા-વિતાનં તુઙ્ગોદયાદ્રિ-શિરસીવ સહસ્રરશ્મેઃ ॥

    Sinhasane Mani-Mayukha-Shikha-Vichitre Vibhrajate Tava Vapuh Kanakavadatam. Bimbam Viyadvilasadanshulata-Vitanam Tungodayadri-Shirasiva Sahasrarashmeh.

    On the lion throne, bright with the many points of light from its jewels, your body shines, clear as gold. It is like the disc of the thousand-rayed sun on the head of the tall mountain of sunrise, spreading its creepers of light across the sky.

  30. कुन्दावदात-चल-चामर-चारुशोभं विभ्राजते तव वपुः कलधौतकान्तम् । उद्यच्छशाङ्क-शुचि-निर्झर-वारिधार- मुच्चैस्तटं सुरगिरेरिव शातकौम्भम् ॥

    કુન્દાવદાત-ચલ-ચામર-ચારુશોભં વિભ્રાજતે તવ વપુઃ કલધૌતકાન્તમ્ । ઉદ્યચ્છશાઙ્ક-શુચિ-નિર્ઝર-વારિધાર- મુચ્ચૈસ્તટં સુરગિરેરિવ શાતકૌમ્ભમ્ ॥

    Kundavadata-Chala-Chamara-Charushobham Vibhrajate Tava Vapuh Kaladhautakantam. Udyachchhashanka-Shuchi-Nirjhara-Varidharam- Uchchaistatam Suragireriva Shatakaumbham.

    Lovely with the waving white chamars, pale as kund flowers, your body shines with the lustre of gold. It is like the high golden slope of the mountain of the gods, with a stream of clear water falling as white as the rising moon.

  31. छत्रत्रयं तव विभाति शशाङ्ककान्त- मुच्चैः स्थितं स्थगित-भानुकर-प्रतापम् । मुक्ताफल-प्रकर-जाल-विवृद्धशोभं प्रख्यापयत्त्रिजगतः परमेश्वरत्वम् ॥

    છત્રત્રયં તવ વિભાતિ શશાઙ્કકાન્ત- મુચ્ચૈઃ સ્થિતં સ્થગિત-ભાનુકર-પ્રતાપમ્ । મુક્તાફલ-પ્રકર-જાલ-વિવૃદ્ધશોભં પ્રખ્યાપયત્ત્રિજગતઃ પરમેશ્વરત્વમ્ ॥

    Chhatratrayam Tava Vibhati Shashankakantam- Uchchaih Sthitam Sthagita-Bhanukara-Pratapam. Muktaphala-Prakara-Jala-Vivriddhashobham Prakhyapayattrijagatah Parameshvaratvam.

    Your three canopies shine, lovely as the moon, standing high and holding off the heat of the sun's rays, their beauty swelled by nets of strung pearls, and they proclaim your supreme lordship over the three worlds.

  32. गम्भीर-तार-रव-पूरित-दिग्विभागस्- त्रैलोक्य-लोक-शुभ-सङ्गम-भूतिदक्षः । सद्धर्मराज-जय-घोषण-घोषकः सन् खे दुन्दुभिर्ध्वनति ते यशसः प्रवादी ॥

    ગમ્ભીર-તાર-રવ-પૂરિત-દિગ્વિભાગસ્- ત્રૈલોક્ય-લોક-શુભ-સઙ્ગમ-ભૂતિદક્ષઃ । સદ્ધર્મરાજ-જય-ઘોષણ-ઘોષકઃ સન્ ખે દુન્દુભિર્ધ્વનતિ તે યશસઃ પ્રવાદી ॥

    Gambhira-Tara-Rava-Purita-Digvibhagas- Trailokya-Loka-Shubha-Sangama-Bhutidakshah. Saddharmaraja-Jaya-Ghoshana-Ghoshakah San Khe Dundubhirdhvanati Te Yashasah Pravadi.

    Filling every quarter with its deep, carrying sound, able to bring the people of the three worlds together in good fortune, sounding out the proclamation of the victory of the king of true dharma, the drum resounds in the sky, the herald of your fame.

  33. मन्दार-सुन्दर-नमेरु-सुपारिजात- सन्तानकादि-कुसुमोत्कर-वृष्टिरुद्धा । गन्धोद-बिन्दु-शुभ-मन्द-मरुत्प्रपाता दिव्या दिवः पतति ते वचसां ततिर्वा ॥

    મન્દાર-સુન્દર-નમેરુ-સુપારિજાત- સન્તાનકાદિ-કુસુમોત્કર-વૃષ્ટિરુદ્ધા । ગન્ધોદ-બિન્દુ-શુભ-મન્દ-મરુત્પ્રપાતા દિવ્યા દિવઃ પતતિ તે વચસાં તતિર્વા ॥

    Mandara-Sundara-Nameru-Suparijata- Santanakadi-Kusumotkara-Vrishtiruddha. Gandhoda-Bindu-Shubha-Manda-Marutprapata Divya Divah Patati Te Vachasam Tatirva.

    A shower of heaped flowers of the mandar, the lovely nameru, the parijat, the santanak and the rest comes down unbroken. Falling on a soft, sweet breeze with its drops of scented water, it comes down from the sky, divine, as though it were the flow of your words.

  34. शुम्भत्-प्रभावलय-भूरि-विभा विभोस्ते लोकत्रये द्युतिमतां द्युतिमाक्षिपन्ती । प्रोद्यद्-दिवाकर-निरन्तर-भूरि-संख्या दीप्त्या जयत्यपि निशामपि सोमसौम्याम् ॥

    શુમ્ભત્-પ્રભાવલય-ભૂરિ-વિભા વિભોસ્તે લોકત્રયે દ્યુતિમતાં દ્યુતિમાક્ષિપન્તી । પ્રોદ્યદ્-દિવાકર-નિરન્તર-ભૂરિ-સંખ્યા દીપ્ત્યા જયત્યપિ નિશામપિ સોમસૌમ્યામ્ ॥

    Shumbhat-Prabhavalaya-Bhuri-Vibha Vibhoste Lokatraye Dyutimatam Dyutimakshipanti. Prodyad-Divakara-Nirantara-Bhuri-Sankhya Diptya Jayatyapi Nishamapi Somasaumyam.

    The great light of your shining halo, all-pervading one, puts down the light of everything that shines in the three worlds. It holds the brightness of countless suns rising one upon another, and with that blaze it surpasses even a night made gentle by the moon.

  35. स्वर्गापवर्ग-गम-मार्ग-विमार्गणेष्टः सद्धर्मतत्त्व-कथनैक-पटुस्त्रिलोक्याः । दिव्यध्वनिर्भवति ते विशदार्थ-सर्व- भाषास्वभाव-परिणाम-गुणैः प्रयोज्यः ॥

    સ્વર્ગાપવર્ગ-ગમ-માર્ગ-વિમાર્ગણેષ્ટઃ સદ્ધર્મતત્ત્વ-કથનૈક-પટુસ્ત્રિલોક્યાઃ । દિવ્યધ્વનિર્ભવતિ તે વિશદાર્થ-સર્વ- ભાષાસ્વભાવ-પરિણામ-ગુણૈઃ પ્રયોજ્યઃ ॥

    Svargapavarga-Gama-Marga-Vimarganeshtah Saddharmatattva-Kathanaika-Patustrilokyah. Divyadhvanirbhavati Te Vishadartha-Sarva- Bhashasvabhava-Parinama-Gunaih Prayojyah.

    Sought after by those searching out the road that leads to heaven and to liberation, skilled above all in telling the three worlds the truth of true dharma, your divine sound carries a meaning that is clear, and by its own nature it turns into every language, and so serves them all.

  36. उन्निद्र-हेम-नव-पङ्कज-पुञ्ज-कान्ती पर्युल्लसन्-नख-मयूख-शिखाभिरामौ । पादौ पदानि तव यत्र जिनेन्द्र ! धत्तः पद्मानि तत्र विबुधाः परिकल्पयन्ति ॥

    ઉન્નિદ્ર-હેમ-નવ-પઙ્કજ-પુઞ્જ-કાન્તી પર્યુલ્લસન્-નખ-મયૂખ-શિખાભિરામૌ । પાદૌ પદાનિ તવ યત્ર જિનેન્દ્ર ! ધત્તઃ પદ્માનિ તત્ર વિબુધાઃ પરિકલ્પયન્તિ ॥

    Unnidra-Hema-Nava-Pankaja-Punja-Kanti Paryullasan-Nakha-Mayukha-Shikhabhiramau. Padau Padani Tava Yatra Jinendra, Dhattah Padmani Tatra Vibudhah Parikalpayanti.

    Bright as a heap of fresh golden lotuses newly opened, lovely with the leaping points of light from your nails, wherever your two feet take their steps, O Jinendra, there the gods set lotuses down.

  37. इत्थं यथा तव विभूतिरभूज्जिनेन्द्र ! धर्मोपदेशनविधौ न तथा परस्य । यादृक्प्रभा दिनकृतः प्रहतान्धकारा तादृक्कुतो ग्रहगणस्य विकासिनोऽपि ॥

    ઇત્થં યથા તવ વિભૂતિરભૂજ્જિનેન્દ્ર ! ધર્મોપદેશનવિધૌ ન તથા પરસ્ય । યાદૃક્પ્રભા દિનકૃતઃ પ્રહતાન્ધકારા તાદૃક્કુતો ગ્રહગણસ્ય વિકાસિનોઽપિ ॥

    Ittham Yatha Tava Vibhutirabhujjinendra, Dharmopadeshanavidhau Na Tatha Parasya. Yadrikprabha Dinakritah Prahatandhakara Tadrikkuto Grahaganasya Vikasino'pi.

    Such as your greatness was, O Jinendra, no one else's was like it in the work of teaching dharma. The light of the maker of day beats the darkness back. How could the host of planets have light like that, bright as they are?

  38. श्च्योतन्-मदाविल-विलोल-कपोल-मूल- मत्त-भ्रमद्-भ्रमर-नाद-विवृद्धकोपम् । ऐरावताभमिभमुद्धतमापतन्तं दृष्ट्वा भयं भवति नो भवदाश्रितानाम् ॥

    શ્ચ્યોતન્-મદાવિલ-વિલોલ-કપોલ-મૂલ- મત્ત-ભ્રમદ્-ભ્રમર-નાદ-વિવૃદ્ધકોપમ્ । ઐરાવતાભમિભમુદ્ધતમાપતન્તં દૃષ્ટ્વા ભયં ભવતિ નો ભવદાશ્રિતાનામ્ ॥

    Shchyotan-Madavila-Vilola-Kapola-Mula- Matta-Bhramad-Bhramara-Nada-Vivriddhakopam. Airavatabhamibhamuddhatamapatantam Drishtva Bhayam Bhavati No Bhavadashritanam.

    Its cheeks wet and dark with flowing must, and rolling; its rage swelled by the drone of the drunken bees that circle it, an elephant like Airavat comes charging down in fury, and those who have taken refuge in you feel no fear at the sight.

  39. भिन्नेभ-कुम्भ-गलदुज्ज्वल-शोणिताक्त- मुक्ताफल-प्रकर-भूषित-भूमिभागः । बद्धक्रमः क्रमगतं हरिणाधिपोऽपि नाक्रामति क्रमयुगाचल-संश्रितं ते ॥

    ભિન્નેભ-કુમ્ભ-ગલદુજ્જ્વલ-શોણિતાક્ત- મુક્તાફલ-પ્રકર-ભૂષિત-ભૂમિભાગઃ । બદ્ધક્રમઃ ક્રમગતં હરિણાધિપોઽપિ નાક્રામતિ ક્રમયુગાચલ-સંશ્રિતં તે ॥

    Bhinnebha-Kumbha-Galadujjvala-Shonitakta- Muktaphala-Prakara-Bhushita-Bhumibhagah. Baddhakramah Kramagatam Harinadhipo'pi Nakramati Kramayugachala-Sanshritam Te.

    It has split an elephant's skull, and the ground about it is strewn with pearls smeared in the bright blood running from it. Even the lion, crouched to spring, does not fall upon the man who has come within its reach, if he holds to the mountain of your two feet.

  40. कल्पान्तकाल-पवनोद्धत-वह्नि-कल्पं दावानलं ज्वलितमुज्ज्वलमुत्स्फुलिङ्गम् । विश्वं जिघत्सुमिव सम्मुखमापतन्तं त्वन्नाम-कीर्तन-जलं शमयत्यशेषम् ॥

    કલ્પાન્તકાલ-પવનોદ્ધત-વહ્નિ-કલ્પં દાવાનલં જ્વલિતમુજ્જ્વલમુત્સ્ફુલિઙ્ગમ્ । વિશ્વં જિઘત્સુમિવ સમ્મુખમાપતન્તં ત્વન્નામ-કીર્તન-જલં શમયત્યશેષમ્ ॥

    Kalpantakala-Pavanoddhata-Vahni-Kalpam Davanalam Jvalitamujjvalamutsphulingam. Vishvam Jighatsumiva Sammukhamapatantam Tvannama-Kirtana-Jalam Shamayatyashesham.

    Like a fire whipped up by the wind at the end of the age, a forest fire blazing white and throwing sparks, bearing down in front of you as though it meant to swallow the world: the water that is the singing of your name puts it out entirely.

  41. रक्तेक्षणं समद-कोकिल-कण्ठ-नीलं क्रोधोद्धतं फणिनमुत्फणमापतन्तम् । आक्रामति क्रमयुगेन निरस्तशङ्क- स्त्वन्नाम-नागदमनी हृदि यस्य पुंसः ॥

    રક્તેક્ષણં સમદ-કોકિલ-કણ્ઠ-નીલં ક્રોધોદ્ધતં ફણિનમુત્ફણમાપતન્તમ્ । આક્રામતિ ક્રમયુગેન નિરસ્તશઙ્ક- સ્ત્વન્નામ-નાગદમની હૃદિ યસ્ય પુંસઃ ॥

    Raktekshanam Samada-Kokila-Kantha-Nilam Krodhoddhatam Phaninamutphanamapatantam. Akramati Kramayugena Nirastashankas- Tvannama-Nagadamani Hridi Yasya Punsah.

    Its eyes red, dark as the throat of a cuckoo in its season, risen in anger, hood spread, a snake comes at him; and he walks across it with both feet, his fear thrown off, the man who holds your name, the tamer of snakes, in his heart.

  42. वल्गत्-तुरङ्ग-गज-गर्जित-भीमनाद- माजौ बलं बलवतामपि भूपतीनाम् । उद्यद्-दिवाकर-मयूख-शिखापविद्धं त्वत्कीर्तनात्तम इवाशु भिदामुपैति ॥

    વલ્ગત્-તુરઙ્ગ-ગજ-ગર્જિત-ભીમનાદ- માજૌ બલં બલવતામપિ ભૂપતીનામ્ । ઉદ્યદ્-દિવાકર-મયૂખ-શિખાપવિદ્ધં ત્વત્કીર્તનાત્તમ ઇવાશુ ભિદામુપૈતિ ॥

    Valgat-Turanga-Gaja-Garjita-Bhimanadam- Ajau Balam Balavatamapi Bhupatinam. Udyad-Divakara-Mayukha-Shikhapaviddham Tvatkirtanattama Ivashu Bhidamupaiti.

    With its prancing horses and the terrible roar of its elephants, the army of kings, strong as they are, in the thick of battle breaks apart at once when your name is sung, as darkness breaks when the points of the rising sun's rays strike it.

  43. कुन्ताग्र-भिन्न-गज-शोणित-वारिवाह- वेगावतार-तरणातुर-योध-भीमे । युद्धे जयं विजित-दुर्जय-जेयपक्षा- स्त्वत्पाद-पङ्कजवनाश्रयिणो लभन्ते ॥

    કુન્તાગ્ર-ભિન્ન-ગજ-શોણિત-વારિવાહ- વેગાવતાર-તરણાતુર-યોધ-ભીમે । યુદ્ધે જયં વિજિત-દુર્જય-જેયપક્ષા- સ્ત્વત્પાદ-પઙ્કજવનાશ્રયિણો લભન્તે ॥

    Kuntagra-Bhinna-Gaja-Shonita-Varivaha- Vegavatara-Taranatura-Yodha-Bhime. Yuddhe Jayam Vijita-Durjaya-Jeyapakshas- Tvatpada-Pankajavanashrayino Labhante.

    Where blood from elephants pierced by spear points runs in streams and soldiers, caught in the rush, struggle to get across, in a battle of that terror, the side that could not be beaten is beaten, and the victory goes to those who have taken shelter in the lotus grove of your feet.

  44. अम्भोनिधौ क्षुभित-भीषण-नक्र-चक्र- पाठीन-पीठ-भयदोल्बण-वाडवाग्नौ । रङ्गत्तरङ्ग-शिखर-स्थित-यान-पात्रा- स्त्रासं विहाय भवतः स्मरणाद्व्रजन्ति ॥

    અમ્ભોનિધૌ ક્ષુભિત-ભીષણ-નક્ર-ચક્ર- પાઠીન-પીઠ-ભયદોલ્બણ-વાડવાગ્નૌ । રઙ્ગત્તરઙ્ગ-શિખર-સ્થિત-યાન-પાત્રા- સ્ત્રાસં વિહાય ભવતઃ સ્મરણાદ્વ્રજન્તિ ॥

    Ambhonidhau Kshubhita-Bhishana-Nakra-Chakra- Pathina-Pitha-Bhayadolbana-Vadavagnau. Rangattaranga-Shikhara-Sthita-Yana-Patras- Trasam Vihaya Bhavatah Smaranadvrajanti.

    In a sea stirred up, with its dreadful circle of crocodiles, its great fish, and its fearsome, raging fire below the water, those whose ship rides on the crest of the dancing waves let their terror go and sail on, by remembering you.

  45. उद्भूत-भीषण-जलोदर-भार-भुग्नाः शोच्यां दशामुपगताश्च्युत-जीविताशाः । त्वत्पाद-पङ्कज-रजोऽमृत-दिग्ध-देहा मर्त्या भवन्ति मकरध्वज-तुल्यरूपाः ॥

    ઉદ્ભૂત-ભીષણ-જલોદર-ભાર-ભુગ્નાઃ શોચ્યાં દશામુપગતાશ્ચ્યુત-જીવિતાશાઃ । ત્વત્પાદ-પઙ્કજ-રજોઽમૃત-દિગ્ધ-દેહા મર્ત્યા ભવન્તિ મકરધ્વજ-તુલ્યરૂપાઃ ॥

    Udbhuta-Bhishana-Jalodara-Bhara-Bhugnah Shochyam Dashamupagatashchyuta-Jivitashah. Tvatpada-Pankaja-Rajo'mrita-Digdha-Deha Martya Bhavanti Makaradhvaja-Tulyarupah.

    Bent under the weight of a dreadful dropsy risen in them, brought to a pitiable state, their hope of living gone, mortals whose bodies are smeared with the nectar that is the dust of your lotus feet become as fair in form as the god whose banner is the makar.

  46. आपाद-कण्ठमुरु-शृङ्खल-वेष्टिताङ्गा गाढं बृहन्-निगड-कोटि-निघृष्ट-जङ्घाः । त्वन्नाम-मन्त्रमनिशं मनुजाः स्मरन्तः सद्यः स्वयं विगत-बन्ध-भया भवन्ति ॥

    આપાદ-કણ્ઠમુરુ-શૃઙ્ખલ-વેષ્ટિતાઙ્ગા ગાઢં બૃહન્-નિગડ-કોટિ-નિઘૃષ્ટ-જઙ્ઘાઃ । ત્વન્નામ-મન્ત્રમનિશં મનુજાઃ સ્મરન્તઃ સદ્યઃ સ્વયં વિગત-બન્ધ-ભયા ભવન્તિ ॥

    Apada-Kanthamuru-Shrinkhala-Veshtitanga Gadham Brihan-Nigada-Koti-Nighrishta-Janghah. Tvannama-Mantramanisham Manujah Smarantah Sadyah Svayam Vigata-Bandha-Bhaya Bhavanti.

    Their bodies wound from foot to throat in heavy chains, their shins rubbed raw by the edges of great iron fetters, people who remember the mantra of your name without a pause are freed at once, of their own accord, from their bonds and from their fear.

  47. मत्त-द्विपेन्द्र-मृगराज-दवानलाहि- सङ्ग्राम-वारिधि-महोदर-बन्धनोत्थम् । तस्याशु नाशमुपयाति भयं भियेव यस्तावकं स्तवमिमं मतिमानधीते ॥

    મત્ત-દ્વિપેન્દ્ર-મૃગરાજ-દવાનલાહિ- સઙ્ગ્રામ-વારિધિ-મહોદર-બન્ધનોત્થમ્ । તસ્યાશુ નાશમુપયાતિ ભયં ભિયેવ યસ્તાવકં સ્તવમિમં મતિમાનધીતે ॥

    Matta-Dvipendra-Mrigaraja-Davanalahi- Sangrama-Varidhi-Mahodara-Bandhanottham. Tasyashu Nashamupayati Bhayam Bhiyeva Yastavakam Stavamimam Matimanadhite.

    Fear that rises from the maddened elephant, the lion, the forest fire, the snake, from battle, from the sea, from dropsy and from prison, is quickly destroyed, as though it were itself afraid, for the wise one who recites this praise of yours.

  48. स्तोत्रस्रजं तव जिनेन्द्र ! गुणैर्निबद्धां भक्त्या मया विविध-वर्ण-विचित्र-पुष्पाम् । धत्ते जनो य इह कण्ठगतामजस्रं तं मानतुङ्गमवशा समुपैति लक्ष्मीः ॥

    સ્તોત્રસ્રજં તવ જિનેન્દ્ર ! ગુણૈર્નિબદ્ધાં ભક્ત્યા મયા વિવિધ-વર્ણ-વિચિત્ર-પુષ્પામ્ । ધત્તે જનો ય ઇહ કણ્ઠગતામજસ્રં તં માનતુઙ્ગમવશા સમુપૈતિ લક્ષ્મીઃ ॥

    Stotrasrajam Tava Jinendra, Gunairnibaddham Bhaktya Maya Vividha-Varna-Vichitra-Pushpam. Dhatte Jano Ya Iha Kanthagatamajasram Tam Manatungamavasha Samupaiti Lakshmih.

    This garland of praise, O Jinendra, strung by me with devotion out of your qualities, bright with flowers of many colours: whoever in this world wears it always at his throat, to him, as to Manatung, Lakshmi comes of her own accord.

About Bhaktamar Stotra

The best known Sanskrit stotra in Jain practice, in 48 verses of vasantatilaka, addressed to Adinath Bhagwan, the first Tirthankar. Acharya Manatunga opens by saying he has neither the knowledge nor the standing to praise a Jin, and praises him anyway, because devotion makes him speak as the spring makes the cuckoo sing. The middle verses set the Tirthankar beside the sun, the moon, a wickless lamp and the gods of other traditions, and the later verses name the eight great fears, from the maddened elephant to prison, that recitation is held to end. The last verse names the poet in a pun on his own name. Digambar editions carry all 48 verses; Shwetambar editions carry 44, without the four on the pratiharya.

Type
Tirthankar
Themes
Traditions
Occasion
Verse by verse
Other names and spellings
Bhaktamar Stotra, Bhaktamara Stotra, Bhaktamar Stotram, Bhaktambar Stotra, Bhaktamber Stotra, Bhaktamar Path, Bhaktamar Ji, Adinath Stotra, Manatunga Stotra, Bhaktamar 48 shlok

The transliteration and meaning on this page are awaiting review.